Woh Mujh Say Baghawat Chahata Hay ! ! ! Khubsurt Ghazal .

" نصرت مسعود کی خوبصورت غزل "

وہ اس انداز کی مجھہ سے محبت چاہتا ہے

مرے ہر خواب پر اپنی حکومت چاہتا ہے

مرے ہر لفظ میں جو مجھہ سے بڑھ کر بولتا ہے

مرے ہر لفظ کی مجھہ سے وضاحت چاہتا ہے

بہانہ چاہیے اس کو بھی اب ترک وفا کا

میں خود اس سے کروں کوئی شکایت چاہتا ہے

اسے معلوم ہے میرے پروں میں دم نہیں ہے

مرا صیاد اب مجھہ سے بغاوت چاہتا ہے

وہ کہتا کہ میں اس کی ضرورت بن چکی ہوں

تو گویا وہ مجھے حسب ضرورت چاہتا ہے

کبھی اس کے سوالوں سے مجھے لگتا ہے ایسے

کہ جیسے وہ خدا ہے اور قیامت چاہتا ہے

اسے معلوم ہے میں نے ہمیشہ سچ لکھا ہے

. پھر بھی جھوٹ کی مجھہ سے حمایت چاہتا ہے

      ( کہکشاں ارشد )